«Հայկական ներկայությունը Սուրբ հողում» խորագրով համաժողով Լյուքսեմբուրգի Սան Միշել եկեղեցում

07 դեկտեմբերի, 2022

Դեկտեմբերի 7-ին Լյուքսեմբուրգի Սան Միշել եկեղեցում տեղի ունեցավ «Հայկական ներկայությունը Սուրբ հողում» խորագրով համաժողով, որը կազմակերպել էր Լյուքսեմբուրգի Conférence Saint-Yves (CSY) կաթոլիկ իրավաբանների գիտախումբը Նիդերլանդներում և Լյուքսեմբուրգում ՀՀ դեսպանության հետ համագործակցաբար։

Գիտաժողովի բացումը կատարեց CSY-ի նախագահ Վիլիամ Սիմփսոնը։

Այնուհետև, ներածական խոսքով հանդես եկավ դեսպան Տիգրան Բալայանը, որը ներկայացրեց 2020 թ. Արցախի դեմ ագրեսիայից հետո Ադրբեջանի վերահսկողության տակ անցած տարածքներում հայկական տասնյակ եկեղեցիների, վանքերի և գերեզմանների համակարգված ոչնչացումը Բաքվի ռեժիմի կողմից՝ ուղեկցված մի շարք ռազմական հանցագործություններով։

Գիտաժողովի հիմնական բանախոսն էր կրոնական մարդաբան, Երուսաղեմի քրիստոնեական եկեղեցիների և սրբավայրերի մասնագետ, Ֆրանսիայի գիտական հետազոտությունների կենտրոնի (CNRS) նախկին գիտաշխատող Սոսի Անդեզյանը, որը մանրամասներ ներկայացրեց Սուրբ երկրում հայկական ներկայության մասին՝ սկսած 4-րդ դարից մինչև ներկա ժամանակաշրջան։

Հանդիպումն եզրափակեց Հայ Առաքելական Եկեղեցու Արևմտյան Եվրոպայի հայրապետական պատվիրակ և Սուրբ Աթոռում ներկայացուցիչ Գերշ․ Տ․ Խաժակ Արքեպիսկոպոս Պարսամյանը, որն ընդհանուր տեղեկություններ հաղորդեց Հայ եկեղեցու և մասնավորապես Երուսաղեմի պատրիարքության ու նրա Սբ․ Հակոբ հայոց վանքի մասին։

Իր ելույթի ավարտին Սրբազան Հոր հրավերով միասնական աղոթք կատարվեց։

Կոնֆերանսին ներկա էին Լյուքսեմբուրգի կաթոլիկ առաջնորդի փոխանորդ Արքեպիսկոպոս Լեո Վագները, Լյուքսեմբուրգում Հունաստանի դեսպանը, բարձրաստիճան այլ պաշտոնյաներ և հյուրեր, Լյուքսեմբուրգում և հարևան երկրների սահմանամերձ համայնքներում բնակվող հայեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր